NEYÐARTILFELLI

Neyðartilfelli í tannréttingum eru sjaldgæf. Í flestum tilfellum er um að ræða víra sem stinga, laus eða biluð tæki. Lang oftast þarf að laga laus tæki eða búnað við fyrsta hentugleika, sérstaklega ef eitthvað er að meiða, en stundum má það bíða næsta bókaða tíma. Ef tækin eða teinar eru sífellt að brotna eða bila á meðferðartímanum getur það hægt á tannréttingunni. Hafðu samband við stofuna á opnunartíma hennar ef mögulegt er.

En að öllu jöfnu, þegar ekkert er brotið, þá eru ýmislegt sem þú getur sjálf/ur leyst, eins og sést hér að neðan.

Innri varir, kinnar og tunga geta einnig orðið fyrir áreiti og valdið óþægindum á meðan þær venjast spöngunum. Hægt er að setja vax á kubbana til að minnka áreitið. Þú getur nálgast vaxið hjá okkur.

Ef vírar standa út úr gómnum sem þú færð heim með þér, eða að vír stendur út úr teinunum, þá er best að setja vax á til að minnka óþægindin. Einnig er hægt að nota strokleður á blýanti til að ýta vírnum til.

Ef vírinn á spöngunum skekkist, er hægt að nota töng eða flísatöng til að færa hann til, en best er að panta tíma ef þetta gerist.

Ef spangir losna er best að koma á stofuna strax.

Ef óþægindi eru óbærileg þá tekur Berglind við símtölum utan vinnutíma í farsíma.